Հունաստանի խորհրդարանը քվեարկել է «Գենդերային նույնականության իրավաբանական ճանաչման» մասին օրինագծի օգտին, որը թույլ է տալիս անչափահասներին 15 տարեկանից փոխել իրենց սեռը, հայտնում է «ՌԻԱ Նովոստին»։

Չնայած օրինագծի համապատասխան հոդվածը ձայների մեծամասնություն չի ստացել, բայց այն ընդունվել է՝ հաշվի առնելով հունական օրենսդրության առաձնահատկությունները։

«Օրենք է դարձել ինքնըստինքյան ենթադրվող իրավունքը ու Գեորգիադիսի ու Միցոտակիսի միջնադարյան ու խորթ «Նոր ժողովրդավարությունը» պարտվել է»,- գրել է ՍԻՐԻԶԱ-ի պաշտոնական ներկայացուցիչ Ռանիա Սվինգլուն իր Twitter էջում։

Քվեարկությանը մասնակցել է 300 պատգամավորներից 285-ը։