ՕՊԵԿ+ի պայմանավորվածություններն աշխատում են, նավթի գները ողջամիտ սահմաններում են գտնվում։ Այս մասին մամուլի ասուլիսի ժամանակ հայտնել է ՌԴ վարչապետ Դմիտրի Մեդվեդեւը իր ալժիրցի գործընկեր Ահմեդ Ուայհայի հետ բանակցություններից հետո, հաղորդում է «ՌԻԱ Նովոստին»։
«Մեր դիրքորոշումները նավթահանման սահմանափակումների եւ այսպես կոչված Վիեննայի գործընթացի վերաբերյալ համընկնում են»,-ասել է Մեդվեդեւը։
Նա հիշեցրել է, որ այդ թեմայով բանակցություններ սկսելու նախապայմաններից մեկը դարձել է Ալժիրի նախագահ Աբդելազիզ Բուտեֆլիկայի նամակը նավթային շուկայի իրավիճակը քննարկելու անհրաժեշտության մասին։ «Մենք կարծում ենք, որ այն պայմանավորվածությունները, որոնք կնքվել են, աշխատում են։ Դրանք թույլ են տալիս պահել նավթի գները որոշակի ողջամիտ սահմաններում։ Դրա շնորհիվ տնտեսությունները ստանում են աճի լրացուցիչ հնարավորություններ», - հավելել է վարչապետը:
