Եվրոպայի խորհրդի նախագահ Դոնալդ Տուսկը Կատալոնիայի առաջնորդին կոչ է արել անկախություն չհռչակել։ Նա անձամբ Կարլես Պունջեմոնթին կոչ է արել չկայացնել որոշում, որը կարող է խափանել երկխոսությունը, հայտնում է Reuters-ը։
«Ես ձեզ խնդրում եմ հարգել սահմանադրական կարգն ու չհայտարարել որոշում, որը կարող է երկխոսությունն անհնար դարձնել։ Բազմազանությունը չպետք է հանգեցնի հակամարտության, որի հետեւանքներն ակնհայտորեն բացասական կլինեն կատալոնցիների, Իսպանիայի ու ամբողջ Եվրոպայի համար»,- հայտնել է նա Բրյուսելում։ Տուսկը նաեւ Իսպանիայի վարչապետ Ռախոյին կոչ է արել գտնել խնդրի լուծումն առանց ուժ կիրառելու։