Աֆղանստանի հյուսիսում՝ Կունդուզ նահանգի Իմամ Սահիբ շրջանում, 12 գրոհայիններ եւ անվտանգության ծառայության 5 աշխատակիցներ բախումների հետեւանքով զոհվել են, հաղորդում է «Սինխուա»-ն.
«Բախումները սկսվել են այսօր առավոտյան Իմամ Սահիբ շրջանում: Այս պահին «Թալիբան» շարժման 12 գրոհային եւ անվտանգության ծառայության 5 աշխատակից է սպանվել », - լրագրողներին ասել է նահանգի ոստիկանության ղեկավար Աբդուլ Համիդ Համիդին՝ հավելելով, որ «Թալիբան»-ի 8 գրոհայիններ եւ եւ անվտանգության ծառայության 4 աշխատակից վիրավորվել են:
«Թալիբան» շարժման պաշտոնական ներկայացուցիչ Զաբիհուլա Մաջահիդը հաստատել է Իմամ Սահիբում բախումների մասին տեղեկությունը: Նա ասել է, որ զինյալները սպանել են հինգ զինվորի, վիրավորվել՝ յոթի եւ երեք ռազմական տանկ են ոչնչացրել:
Նշենք, որ վերջին երկու շաբաթվա ընթացքում Իմամ Սահիբ ում շարունակվում են բախումները «Թալիբան»-ի եւ աֆղանական անվտանգության ուժերի միջեւ: Պաշտոնական տվյալներով՝ ավելի քան 100 զինյալ է սպանվել:
