Telegram հավելվածի մեսենջերը թարմացումից հետո հասանելի է նաեւ ռուսերեն։ Այս մասին հայտնել է Telegram–ի հիմնադիր Պավել Դուրովը «Վկոնտակտե»–ի իր էջում, փոխանցում է ՏԱՍՍ–ը։

Telegram հավելվածը բջջայինների համար հայտնվել էր 2013 թվականին, սակայն մինչեւ այս պահը ռուսալեզու տարբերակը բացակայում էր։ Ռուսաց լեզվի առկայությամբ թարմացումը AppStore եւ Play Market առցանց խանութներում հասանելի է iOS–ի եւ Android–ի օգտատերերի համար։ Ռուսերենից բացի՝ հավելվածը հիմա հասանելի է ուկրաիներեն, ֆրանսերեն, մալայերեն եւ ինդոնեզերեն տարբերակներով։

Դուրովն այն կարեւոր իրադարձությունը նվիրել է հոկտեմբերի 10-ին իր ծննդյան 33-րդ տարեդարձին։

Նոր լեզուներից բացի՝ թարմացումը հնարավորություն է տալիս ցուցադրել իրական ժամանակում տեղորոշումը, ինչպես նաեւ ունի նոր երաժշտական նվագարկիչ։ Նորություն է նաեւ խմբերում ադմինիստրատորին նշելու հնարավորությունը։