Իմանուիլ Կանտի անվան Բալթիկայի դաշնային համալսարանի գիտնականները մոդելավորել են 2012 ՏՍ 4 աստերոիդի շարժումը եւ վիզուալիզացրել այն տիեզերական պրոցեսների մոդելավորման Astro-Model սեփական միջավայրի միջոցով, հայտնում է «ՌԻԱ Նովոստի»–ն։
2017–ի հոկտեմբերի 12-ին Երկիր մոլորակի կողքով կանցնի 2012 ՏՍ 4 աստերոիդը։ Այդ փոքրիկ երկնային մարմինն ընդամենը 13 մ շառավիղ ունի, այդ պատճառով Երկրին առավելագույնս մոտենալու պահին անգամ այն տեսնելու համար հզոր աստղադիտակ է անհրաժեշտ։ Առավոտյան ժամը 6։42–ին այն ընդամենը 50 հազար կմ հեռավորության վրայով կանցնի մեր մոլորակի կողքով։ Համեմատության համար նշենք, որ Լուսինը մեզնից 7 անգամ ավելի հեռու է։ Շատ քիչ երկնային մարմիններ են Երկիր մոլորակի կողքով այդքան մոտիկից անցնում։
Նման իրադարձության հետեւանքները կարող են շատ տարբեր լինել։ Անգամ նման փոքր աստերոիդը մեծ արագության պատճառով կարող է լուրջ ավերածությունների պատճառ դառնալ։