Ոչխարի միսը Հայաստանում թանկացել է արտահանման հաշվին, իսկ դա այնքան էլ վատ չէ։ Հոկտեմբերի 11-ին՝ մամուլի ասուլիսի ժամանակ, այս մասին հայտնել է Հայաստանի Գյուղատնտեսության նախարար Իգնատի Առաքելյանը։
Նրա խոսքով՝ մի կողմից այն Հայաստանում թանկացել է, մյուս կողմից գյուղերում ավելացել է ոչխար բուծողների թիվը։ Տարվա առաջին կեսին ոչխարի արտահանումը Հայաստանից 342 տոննայից հասել է 580 տոննայի։ Այն հիմնականում վաճառում են Իրանում։
Հայկական ոչխարի միս ավելի շատ ուտում են ոչ թե արտասահմանում, այլ երկրի ներսում․ Հայաստան ավելի շատ զբոսաշրջիկներ են այցելում։ «Ռեստորաններն ու հանրային սննդի կետերը սկսել են ավելի ակտիվ աշխատել, ինչի համար չի կարելի չուրախանալ»,-հավելել է նախարարը։
Առաքելյանը վստահեցնում է, որ ոչխարի միսը Հայաստանում կիլոգրամի համար թանկացել է 100-150 դրամով, այլ ոչ թե 300-400, ինչը կարող է հաստատել ցանկացած մշտական հաճախորդ։ «Իսկ դա չպետք է համարել լուրջ բարձրացում։ Կերի պակաս չկա, եւ անասունների հարկադիր սպանդ չի իրականացվում ֆերմաներում»,-եզրափակել է գյուղատնտեսության նախարարը։