Սպաների համար տներ կկառուցվեն ոչ միայն Երեւանում, այլեւ մարզերում։ Հոկտեմբերի 11-ին՝ խորհրդարանական լսումների ժամանակ, այս մասին հայտնել է Հայաստանի պաշտպանության նախարար Վիգեն Սարգսյանը։ Նրա խոսքով՝ Երեւանից դուրս ծառայություն իրականացնող սպաները կարող են բնակարաններ ստանալ իրենց բնակության վայրին համապատասխան, եւ դրան հատկացվում է անհրաժեշտ ուշադրություն։