Հայաստանի գյուղատնտեսության մեջ նոր ներդրումներն արդեն հասել են 50 միլիոն դոլարի։ Հոկտեմբերի 11-ին՝ մամուլի ասուլիսի ժամանակ, այս մասին հայտնել է Հայաստանի գյուղատնտեսության նախարար Իգնատի Առաքելյանը՝ ամփոփելով Կարեն Կարապետյանի՝ 12 ամսվա ընթացքում կառավարությունում կատարած աշխատանքի արդյունքները։
Նրա խոսքով՝ այդ ներդրումները ուղղվել են ինտենսիվ այգիների տնկմանը, ինչպես նաեւ վերամշակող ընկերությունների եւ անասնաբուծական տնտեսությունների ստեղծմանն ու զարգացմանը: Իսկ 2017-ին Հայաստանի ագրարային հատվածում կարելի է սպասել 120 մլն դոլարի ներդրում, հավելել է Առաքելյանը (չնայած նրան, որ տարեվերջին մնացել է ընդամենը 3 ամիս):