Սիրիայում գործող ԱՄՆ կոալիցիան ոչնչացնում է երկրում գտնվող ամեն ինչ՝ բացի «Իսլամական Պետությունից»։ Սիրիայի իշխանությունները կպահանջեն լուծարել այդ կոալիցիան։ ՌԴ ԱԳ նախարար Սերգեյ Լավրովի հետ բանակցությունների ժամանակ այս մասին հայտնել է Սիրիայի ԱԳ նախարար Վալիդ Մուալեմը, հաղորդում է «ՌԻԱ Նովոստին»։
«Որպես օրինակ ես ցանկանում եմ բերել ԱՄՆ հակաահաբեկչական կոալիցիան, որն իրականում ոչնչացնում է ամեն ինչ՝ բացի ԻՊ-ից։ Ամերիկացիների օդային հարվածների զոհեր են դարձել հազարավոր սիրիացի բնակիչներ՝ ոչ միայն տղամարդիկ, այլեւ կանայք եւ երեխաներ։ Ամերիկյան կոալիցիան ոչնչացնում է տնտեսական ենթակառուցվածքները։ Այդ պատճառով մենք վճռականորեն կպահանջենք այդ կոալիցիայի լուծարումը»,-ասել է Մուալեմը։
Նրա կարծիքով ակնհայտ է, որ ԱՄՆ-ն օգտագործում է այդ կոալիցիան Սիրիայում կատարվող ավերածությունները թաքցնելու եւ պատերազմը հնարավորինս երկարաձգելու համար։