Ծխելու դեմ պայքարը կարծես թե չշրջանցեց օրենսդիր մարմինը: NEWS.am-ի թղթակիցն այսօր նկատել է, որ աշխատանքային օրվա ավարտին ԱԺ աշխատակիցները ծխելու համար նախատեսված տարածքներից հեռացրել են ծխախոտի ցուցանակները: Աշխատակիցներն ասել են, որ հանձնարարություն են ստացել պատերից հեռացնել ցուցանակները, այլ մանրամասներ չեն նշել: Ամենայն հավանականությամբ նշված վայրերում այսուհետ ծխել չի թույլատրվի: Հիշեցնենք, որ կառավարությունը ծխելու դեմ պայքարի ռազմավարություն է մշակել, ըստ որի հանրային վայրերում ծխելը խստիվ կարգելվի, հակառակ դեպքում խոշոր չափի տուգանքներ կսահմանվեն: Սակայն սա ընդամենը մշակման փուլում է եւ հայտնի չէ՝ այդ փոփոխությունները երբ կդառնան օրենքի դրույթ: