Facebook-ի հիմնադիր Մարկ Ցուկերբերգը հայտարարել է, որ վիրտուալ իրականություն է ստեղծում, քանի որ բավարարված չէ իրականությամբ, որը համարում է «սահմանափակ», փոխանցում է Independent-ը:
Նա ընդգծել է, որ հուսով է՝ վիրտուալ իրականության օգտատերերի թիվը կհասնի 1 միլիարդ մարդու, այդպես Վիրտուալ Իրականությունը կարող է կատարելություն առաջարկել ի համեմատություն իրական աշխարհի:
«Ամեն անգամ, երբ մարդիկ ասում են, որ մենք վիրտուալ իրականություն ենք ստեղծում, քանի որ մեզ չի գոհանցում այն աշխարհը, որում ապրում ենք, իմ պատասխանն է՝ «Իհարկե, այդպես է, որ կա», - ասել է նա:
«Եվ դա լավ է: Մենք համարում ենք, որ ապագան կարող է ավելի լավը լինել: Այո, իհարկե, ոչինչ չի կարող փոխարինել անձնական կամ ֆիզիկական շփմանը, բայց երբ մենք հնարավորություն չունենք զգալ դա, երբ մենք դեմ ենք առնում սահմանափակ իրականությանը, ՎԻ-ին կարող է մեր իրականությունն ավելի լավը դարձնել»:
«Որոշ մարդիկ ասում են, վիրտուալ իրականությունը հակասոցիալական է եւ հանգեցնում է իզոլացիայի: Ես կարծում եմ՝ ամեն ինչ հակառակն է », -ասել է նա: Ցուկերբերգի խոսքով՝ համարել, որ ՎԻ-ն իզոլացնում է, կյանքի հանդեպ նեղմտություն է: «Իրականությունն այնպիսինն է, որ մենք բոլորս ունենք մեր իրականության սահմանափակումը՝ վայրեր, որ չենք կարող գնալ, մարդիկ, որոնց չենք կարող տեսնել, ինչ-որ բան որ չենք կարող անել: Եւ այդ հնարավորությունն ունենալը չի մեկուսացնում, այլ ազատագրում է», - նշել է նա:
