News
Լրահոս
News
Կիրակի
Հունիս 16
Տեսնել լրահոսը

Քանի դեռ հակամարտության կողմերի միջեւ չկա վստահություն, կարգավորման հարցում առաջընթացն անհնար է: Այս մասին, այսօր՝ հոկտեմբերի 12-ին, Կառավարության նիստից հետո լրագրողների հետ զրույցում նշել է Հայաստանի ԱԳ փոխնախարար Շավարշ Քոչարյանը՝ անդրադառնալով Հայաստանի եւ Ադրբեջանի նախագահների սպասվող հանդիպմանը:

Հարցին, թե արդյոք հայկական կողմն ստացե՞լ է այն երաշխիքները, որոնց մասին իր ելույթում հայտարարել էր ՀՀ նախագահ Սերժ Սարգսյանը (խոսքը վստահության մեխանիզմների ներդման, հասցեական հայտարարություններ անելու եւ բախումները չվերսկսելու վերաբերյալ երաշխիքներին է վերաբերում-խմբ), Շավարշ Քոչարյանը պատասխանեց. «Հանդիպումն ու երաշխիքներն իրար հետ չի կարելի կապել, բայց ընդհանուր առմամբ, իհարկե, գործընթացը երաշխիքների հետ կապված է»:

Անդրադառնալով Վիեննայում եւ Սանկտ Պետերբուրգում ձեռք բերված պայմանավորվածություններին, նա նկատեց. «Կրակի դադարեցման ռեժիմը եւ ռազմական գործողությունների դադարեցման ռեժիմը ամրապնդելու մասին կա 1995 թվականի եռակողմ համաձայնագիր՝ Արցախ-Հայաստան-Ադրբեջան, որը, ըստ էության, Ադրբեջանի միջազգային պարտավարությունն է: Դեռ այդ ժամանակ Ադրբեջանը պարտավորվել էր, որ պետք է այդպիսի մեխանիզմներ դրվեն»:

Նրա խոսքով, այդտեղ տրամաբանությունը շատ պարզ է. 1994-ին ստորագրվեց ռազմական գործողությունների դադարեցման եւ կրակի դադարեցման ռեժիմը հաստատելու համաձայնագիր այն ակնկալիքով, որ պետք է լինի համապարփակ կարգավորում. «Դրա համար պետք է վստահություն լինի, այսինքն պետք է չկրակեն: Այն հանգամանքը, որ 20 տարի անցել է եւ առաջընթաց չկա բանակցային գործընթացում, դրանով է պայմանավորված: Նույնը մենք տեսանք ապրիլին, երբ Ադրբեջանը փորձեց սկսել ռազմական գործողությունները, նույն տրամաբանությամբ դրվեց այդ պայմանը: Դա հայկական կողմի նախապայմանը չէ: Դա մի կողմից Ադրբեջանի, մյուս կողմից համանախագահների միջեւ է: Ո՞նց կարելի է խոսել առաջընթացի մասին, երբ կողմերի միջեւ չկա վստահություն:

Ինքնին այն փաստը, որ Ադրբեջանը հրաժարվում է իր միջազգային պարտավորություններից, արդեն հարցականի տակ է դնում ցանկացած ապագա համաձայնություն: Նա կարող է իր ստորագրությունը դնել եւ վաղը չկատարել»:

Շավարշ Քոչարյանն ընդգծեց, որ այսօր հայկական կողմը չունի երաշխիք, որ Ադրբեջանը բանակցելուն զուգահեռ չի սկսի ռազմական գործողություններ:

Հարցին, թե այդ դեպքում, որքանո՞վ է նպատակահարմար գնալ բանակցությունների, երբչկան այդ երաշխիքները, ԱԳ փոխնախարարը պատասխանեց. «Մենք միշտ պետք է գիտակցենք, որ երբ խոսքը վերաբերում է բանակցային գործընթացին, կա երկու հարթություն: Մեկը վերաբերում է նրան, որ չվերսկսեն ռազմական գործողությունները, մյուս հարթությունը՝ ապահովել առաջընթաց բանակցություններում: Այս երկու հարթություններն իրար հետ սերտորեն կապված են: Հաշվի առնելով նաեւ ապրիլյան պատերազմը, ակնհայտ է, որ եռանախագահները շեշտադրումն առաջին հերթին դնում են վստահության մթնոլորտի վրա: Այդ առումով, պետք է գիտակցենք, որ ցավոք այսօր այնպես չէ, որ բանակցությունների գնում են կարգավորման հարցում առաջընթաց արձանագրելու: Այսօր առաջին տեղում վստահության մթնոլորտի վերականգնումն է: Կամ Ադրբեջանը պետք է մտնի կառուցողական դաշտ, պետք  է երաշխիքներ լինի, որ բացառվի իրավիճակը, երբ Ադրբեջանը կհրաժարվի իր միջազգային պարտավորությունները կատարելուց, որից հետո նոր կարող ենք խոսել կարգավորման հարցում առաջընթացից: Դա համանախագահների տրամաբանական մոտեցումն է, որ քանի դեռ չկա վստահություն կողմերի միջեւ, կարգավորման հարցում առաջընթաց անհնար է: Եթե կրակում են, սադրում են, ոնց կարող է առաջընթաց լինի: Ակնհայտ է, որ այսօր չկա որեւէ հիմք, դրական միտում, որը թույլ կտա խոսել բանակցային գործընթացում առաջընթացի մասին»,-ընդգծեց ԱԳ փոխնախարարը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Համահայկական միության՝ Մարաղայի կոտորածի տարելիցին նվիրված նամակը տարածվել է որպես ՄԱԿ-ի պաշտոնական փաստաթուղթ
«Գարդման, Շիրվան, Նախիջևան» համահայկական միության՝ Մարաղայի կոտորածի 32-րդ տարելիցին նվիրված նամակը տարածվել է որպես ՄԱԿ-ի պաշտոնական...
Մարաղայի ջարդերը հայերի նկատմամբ ատելության և թշնամանքի քաղաքականության հերթական դրսևորումն է. հայտարարություն
Մարաղայի ջարդերը հայերի նկատմամբ ատելության և թշնամանքի ադրբեջանական…
Արցախի պատգամավորներին կշտամբել եմ իրենց թուլակամության համար․ Սերժ Սարգսյան
Թուլակամությունը կայանում էր նրանում, որ մամուլը ինչպես գրել էր, որ Քառօրյա պատերազմի ընթացքում Լաչինի միջանցքով մեծ խցանումներ․․․
Ծիծեռնակաբերդի բարձունքում նշվեց Ադրբեջանական ԽՍՀ-ում հայկական ջարդերի զոհերի հիշատակին նվիրված տարելիցը
Ծիծեռնակաբերդի բարձունքում նշվեց Ադրբեջանական ԽՍՀ-ում կազմակերպված...
Բոլորս պետք է ջանանք, որ Սումգայիթում տեղի ունեցած ողբերգությունները երբեք չկրկնվեն. Մարագոս
Իմ խորին ցավակցությունն եմ հայտնում բոլորին, ովքեր 36 տարի առաջ...
Բաքվին կոչ ենք անում առերեսվել հայաբնակ վայրերի հայաթափման հանցանքին, ԼՂ էթնիկ զտմանը և ցեղասպանությանը.հայտարարություն
Ադրբեջանի արտաքին գործերի նախարարությանը հայտարարություն է տարածել՝ շարունակելով Հայաստանի հասցեին հերյուրանքներ սփռելու պետական գիծը...
Ամենաշատ