ՌԴ պաշտպանության նախարար, բանակի գեներալ Սերգեյ Շոյգուն ԱՊՀ անդամ երկրների ռազմական ստորաբաժանումների ղեկավարներին տեղեկացրել է Սիրիայում միջազգային ահաբեկչության դեմ պայքարի եւ Աֆղանստանի իրավիճակի մասին։ Հինգշաբթի՝ լրագրողների հետ հանդիպման ժամանակ, այս մասին հայտնել է ՌԴ պաշտպանության փոխնախարար գեներալ-լեյտենանտ Ալեքսանդր Ֆոմինը, հաղորդում է ՏԱՍՍ-ը։
«Խոսքն այն մասին է, որ Ռուսաստանի օդատիեզերական ուժերի օգնության շնորհիվ սիրիական զորքերը հանրապետության տարածքի ավելի քան 90 տոկոսն ազատագրել են ահաբեկիչներից»,-ասել է նա։
Նա ընդգծել է, որ Սիրիայի տարածքում լուրջ կորուստներ կրելուց հետո ԻՊ-ը բնակության նոր վայրեր է փնտրում։ «Դրանցից մեկը Աֆղանստանն է, որտեղ «Թալիբանի» հետ մեկտեղ սկսում է ուժեղանալ ԻՊ-ը»,-ասել է Ֆոմինը։
«Ռուսաստանի պաշտպանության նախարարը գործընկերների ուշադրությունը հրավիրել է այն բանի վրա, որ անհրաժեշտ է համախմբել ուժերը, Կենտրոնական Ասիայի տարածաշրջանի հավաքական անվտանգության ամրապնդման ուղղությամբ։
