Թուրքիայի նախագահ Թայիփ Էրդողանը, մեկնաբանելով Անկարայի եւ Վաշինգթոնի հարաբերությունների ճգնաժամը, իր երկիրը համեմատել է առյուծի հետ, որի ճանկերը պոկել են եւ ցանկանում են բռնել, հաղորդում է «ՌԻԱ Նովոստին»։
Նա Թուրքիայում ԱՄՆ դեսպան Ջոն Բասսին մեղադրել է վիզային ճգնաժամ հրահրելու մեջ։
«(Վիզայի) ճգնաժամը ստեղծել է այստեղի դեսպանը։ Անընդունելի է, որ Ամերիկան այսպիսի դեսպան նշանակի իր համար ռազմավարական այնպիսի կարեւորություն ներկայացնող երկրի համար, ինչպիսին Թուրքիան է։ Նրանց բոլոր գործողություններին մենք համարժեք պատասխան կտանք», հավելել է Թուրքիայի նախագահը։
Նախորդ կիրակի ԱՄՆ դեսպանատունը հայտարարել էր Թուրքիայում ամերիկյան դիվանագիտական առաքելություններում ոչ միգրացիոն վիզաների տրամադրման դադարեցման մասին։ ԱՄՆ-ում Թուրքիայի դեսպանատունը նույն կերպով էր պատասխանել հայտարարելով Ամերիկայի քաղաքացիներին ոչ միգրացիոն վիզաների տրամադրման դադարեցման մասին։