Հռոմի Պապը կարծում է, որ Մերձավոր Արեւելքում ու Ուկրաինայում ճգնաժամի հետեւում սատանան է կանգնած։ Այս մասին հայտնել է Ուկրաինայի Հունական կաթոլիկ եկեղեցու առաջնորդ Սվյատոսլավ Շեւչուկը, որը երկուշաբթի ներկա էր պոնտիֆիկոսի եւ արեւելյան քրիստոնեական եկեղեցիների գերագույն արքեպիսկոպոսների ու պատրիարքների հանդիպմանը, հայտնում է Ուկրաինայի Հունական կաթոլիկ եկեղեցու կայքը։
«Արքեպիսկոպոսները եւ պատրիարքները կարճ ողջույնից հետո Պապին իրենց խոսքն են հայտնել իրենց ժողովուրդների անունից։ Վերջում, երբ Պապը ամփոփել է հանդիպման արդյունքները, նա ասել է. «Ես զարմացած եմ, թե ինչպես եք դուք բոլորդ եւ ձեր եկեղեցիները տառապում պատերազմներից՝ Մերձավոր Արեւելքում եւ Ուկրաինայում։ Գիտե՞ք ով է բոլոր պատերազմների, ցավի եւ ավերածությունների պատճառը։ Դա սատանան է։ Եվ մեր պատասխանը պետք է լինի աղոթքը»,- ասել է Շեւչուկը։