Նյու Ջերսի նահանգի Մեդիսոն քաղաքի քաղաքապետարանի շենքում հայտնաբերել են Նապոլեոնի կիսանդրին, որը Օգյուստ Ռոդենը ստեղծել էր մոտավորապես 1908 թվականին, եւ համարվում էր կորած, հաղորդում է տեղական North Jersey News ամսագիրը:
Կիսանդրու իսկությունը հաստատել է ժամանակակից արձանագիտության միջազգային փորձագետ Ջերոմ Լե Բլեյը դեռ 2015-ին, բայց ադ մասին մինչեւ հիմա հայտնի չէր, գրում է ամսագիրը: Մարմարե կիսանդրու արժեքը գնահատվում է 4-ից 12 միլին դոլար:
Իշխանությունը հայտնել է կիսանդրու ծագման եւ այն Ֆիլադելֆիայի գեղարվեստի թանգարանին հանձնելու որոշման մասին: Արձանը կտեղադրեն Ռոդենի հարյուրամյակին նվիրված ցուցադրության ժամանակ:
«Խոսակցություններ կային, որ դա Ռոդեն է, բայց, իհարկե, միշտ անհնարին ասեկոսեներ են պտտվում: Այդ պատճառով բավական տպավորիչ էր իմանալ, որ դրանք հաստատվել են», - նշել է Մեդիսոնի քաղաքապետ Ռոբերտ Քոնլին:
Կիսանդրին գնել է մասնավոր կոլեկցիոները անմիջապես Նյու Յորքի «Մետրոպոլիտեն թանգարանում» 1915–1929 թվականներին ցուցադրումից հետո: Այդ ժամանակից կիսանդրու գտնվելու վայրը որոշել չէին կարողանում:
2016-ի մայիսին աճուրդում վաճառեցին Ռոդենի «Հավերժական գարուն»-ը ռեկորդային 20,4 մլն դոլարով, փետրվարին Ռոդենի մեկ այլ քանդակ՝ «Իրիս՝ աստվածների պատգամաբեր» վաճառվել է 16,7 մլն դոլարով: