Գերմանիայի խոշորագույն ավիաընկերությունը ձեռք կբերի սնանկացած մրցակցի մեծ մասը: Խոսքը 81 ինքնաթիռի եւ 3 հազար աշխատակցի մասին է, հաղորդում է DW-ն:
Գերմանական Lufthansa-ն Air Berlin-ի ակտիվների մեծ մասի ձեռքբերման մասին պայմանագիր է ստորագրել:
Lufthansa-ն մտադիր է գնել նաեւ Air Berlin-ի ավտրիական դուստ ընկերությանը՝ Niki-ին, որը չի սնանկացել:
Գերմանիայի երկրորդ ավիափոխադրող Air Berlin-ը օգոստոսի 15-ին հայտարարեց սնանկացման մասին: Որոշումը կայացվել է այն բանից հետո, երբ գլխավոր բաժնետեր Etihad Airways- ը հայտարարել էր բազմամիլիոն կորուստներ կրող գերմանական ընկերության հետագա ֆինանսավորման դադարեցման մասին: Air Berlin-ը Գերմանիայի կառավարության 150 մլն եվրոյի վարկի շնորհիվ շարունակում է իրականացնել թռիչքներ: