Վաշինգտոնը կարծում է, որ Հավանան կարող է դադարեցնել դիվանագետների վրա խորհրդավոր միջադեպերը, որոնք ամերիկացի դիվանագետների եւ որոշ զբոսաշրջիկների առողջական խնդիրների պատճառ են դարձել:
«Մենք վստահ ենք, որ Կուբայի իշխանությունները կարող են դադարեցնել խորհրդավոր հարձակումները մեր դիվանագետների վրա», - ասել է Սպիտակ Տան աշխատակազմի ղեկավար Ջոն Քելին:
Այս տարվա օգոստոսին պետդեպարտամենտը պաշտոնապես հաստատեց այն տեղեկությունը, որ Կուբայում աշխատող մի քանի ամերիկացի եւ կուբացի դիվանագետներ միաժամանակ առողջական խնդիրներ են ունեցել:
Ըստ հեռուստաընկերության տվյալների՝ 2016-ի աշնանից մինչեև 2017-ի օգոստոս դիվանագիտական առաքելության աշխատակիցները ակուստիկ հարձակման են ենթարկվել, որոնք ուլտրաձայնային հաճախականությամբ աշխատող սարքերով են իրականացվել: Բժիշկները դիվանագետնրի մոտ լսողության կտրուկ խախտումներ, անքնություն եւ այլ նախանշաններ են հայտնաբերել, որոնք սովորաբար լինում են ուղեղի ցնցման դեպքում:
