ԱՄՆ Պետքարտուղար Ռեքս Թիլլերսոնը քննարկել է Իրանի հարցով Դոնալդ Թրամփի սպասվող ելույթը Բրիտանիայի, Չինաստանի, Ֆրանսիայի եւ Ռուսաստանի գործընկերների հետ: Այդ մասին հայտարարել է Պետքարտուղարությունը՝ չհաղորդելով մանրամասներ:
Պետքարտուղարության ներկայացուցիչ Հիզեր Նաուերթի խոսքով՝ զրույցը կրել է խորհրդատվական բնույթ Իրանի հարցով ընդհանուր կետերի մասին, որը նախագահ Թրամփը կհայտարարի հոկտեմբերի 13-ին: Նա հայտնել է, որ Թիլլերսոնը խոսել է Ֆրանսիայի եւ Ռուսաստանի ԱԳ նախարարների հետ, ՉԺՀ պետական խորհրդական Յան Ցզենի ու Մեծ Բրիտանիայի Արտաքին գործերի նախարար Բորիս Ջոնսոնի հետ:
Թրամփը Իրանի խնդրով նոր ռազմավարությունը կներկայացնի հոտկեմբերի 13-ին: Սպասվում է, որ նա կհայտարարի իրանական ատոմային ծրագրի շուրջ համաձայնության ապահավաստագրման (դեսերտիֆիկացիայի) մասին: