Արժույթի միջազգային հիմնադրամը (ԱՄՀ) 2017 թվականին Հայաստանում ՀՆԱ 3․5 տոկոս աճ է կանխատեսում։ Այս մասին վկայում են «Համաշխարհային տնտեսության զարգացման հեռանկարներ» զեկույցի տվյալները։
ԱՄՀ կարծիքով հաջորդ տարի ՀՆԱ աճը կկազմի 2․9 տոկոս։
Սպառողական գնաճը տարեվերջին կկազմի 2.1 տոկոս, իսկ 2018 թվականին՝ 4 տոկոս:
Վճարային հաշվեկշռի ընթացիկ հաշվի պակասուրդը 2017 թվականին կկազմի ՀՆԱ 3.6 տոկոսը, իսկ 2018 թվականին՝ 3.2 տոկոս:
Ընդհանուր առմամբ, զեկույցում նշվում է, որ 2016 թվականի կեսից սկսված համաշխարհային ցիկլի աճի փուլի շարունակում է թափ առնել։ Համաշխարհային աճը, որը համաշխարհային ֆինանսական ճգնաժամից ի վեր 2016 թվականին ամենացածրն էր եւ կազմում էր 3․2 տոկոս, ըստ կանխատեսումների, 2017-ին կբարձրանա մինչեւ 3․6 տոկոս, իսկ 2018-ին՝ 3․7 տոկոս։