«Հիմնադիր խորհրդարանի» նախագահ Ժիրայր Սեֆիլյանի պաշտպան Տիգրան Հայրապետյանն այսօր՝ հոկտեմբերի 13-ին, տեւական դադարից հետո ներկայացել է դատարան եւ մասնակցում է դատական նիստին:
Երեւանի Շենգավիթ վարչական շրջանի ընդհանուր իրավասության դատարանում նիստը նախագահող Տաթեւիկ Գրիգորյանը որոշում կայացրեց վարույթից հեռացնել հանրային պաշտպան Մարինե Թովմասյանին եւ ներգրավվել Տիգրան Հայրապետյանին, որին ավելի վաղ վարույթից հեռացրել էր նիստերին չմասնակցելու համար: Հիշեցնենք, որ Հայրապետյանը հրաժարվում էր նիստերին գալ, քանի որ նիստերի դահլիճից հեռացված էր Ժիրայր Սեֆիլյանը: Բացի դրանից, մի քանի անգամ էլ Հայրապետյանին արգելել էին մտնել դատարան, քանի որ հրաժարվել էր խուզարկվել:
Այսօր Սեֆիլյանը մասնակցում է դատական նիստին:
Նիստը շարունակվում է:
