Beeline-ի Վաճառքի եւ սպասարկման գրասենյակներում արդեն հնարավոր է ապառիկով գնել Beeline Smart 8 բրենդավորված սմարթֆոնը:

Հեռախոսի արժեքը 24 հազար դրամ է, եւ այն կարելի է ձեռք բերել նաեւ ապառիկով՝ Յունիբանկի հետ բացառիկ պայմանագրի շրջանակում։ Այդ դեպքում հաճախորդը մեկ տարվա ընթացքում ամսական կվճարիընդամենը 2000 դրամսմարթֆոնի գումար եւ բանկի վճարներ։ Բացի այդ, բոլոր գնորդները հեռախոսի հետ ստանալու են «Սմարթ1500»սակագնային փաթեթից մեկ ամիս անվճար օգտվելու հնարավորություն։

«Ինչպես գիտեք, Beeline-ն անում է ամեն ինչ, հաճախորդներին հասանելի եւ պարզ առաջարկներ տրամադրելու համար։ Մենք հավատացած ենք, որ 21-րդ դարում յուրաքանչյուր ոք իրավունք ունի օգտվել ինտերնետից եւ դրա առավելություններից, եւ սա եւս մեկ քայլ էր այդ նպատակին հասնելու ուղղությամբ։ Վստահ եմ, որ այս առաջարկը դուր կգա մեր բաժանորդներին եւ նրանց կյանքը կդարձնի ավելի լավը», - ասել է Հայաստանում Beeline-ի Գլխավոր տնօրեն Անդրեյ Պյատախինը:

Beeline Smart 8 սմարթֆոնը բյուջետային մոդել է, ունի  4 միջուկային պրոցեսոր, աշխատում է Android 6.0. օպերացիոն համակարգով։ Սմարթֆոնն ունի 2 տեսախցիկ, երկու SIM-քարտի հնարավորություն եւ աշխատում է 2G եւ 3G ցանցերում։