News
Լրահոս
News
Ուրբաթ
Մարտ 29
Տեսնել լրահոսը

«Հիմնադիր խորհրդարանի» նախագահ Ժիրայր Սեֆիլյանի պաշտպան Տիգրան Հայրապետյանն այսօր՝ հոկտեմբերի 13-ին, ինքնաբացարկի միջնորդություն ներկայացրեց դատավոր Տաթեւիկ Գրիգորյանին:

Երեւանի Շենգավիթ վարչական շրջանի ընդհանուր իրավասության դատարանում Տիգրան Հայրապետյանը հայտարարեց, որ դատավորը դատաքննությունն անցկացնում է կոպիտ խախտումներով եւ «նորամուծություններ» է մտցրել, օրինակ, նիստերն անցկացնում է առանց ամբաստանյալների եւ նրանց պաշտպանների:

«Տաթեւիկ Գրիգորյանը դատավարությունն անցկացնում է նորամուծություններով՝ առանց պաշտպանների, անընդհատ հեռացնելով ամբաստանյալներին եւ առանց նրանց փորձելով դատական նիստ անցկացնել: Դատարանը սանկցիաներ է կիրառում՝ խախտելով օրենքը ատական սանկցիաներ է կիրառում օրենքը խախտելով: Կարեւորն իրավունքի սկզբունքը հասկանալն է, օրենքն իմանալը քիչ է»,- իր միջնորդության մեջ նշեց պաշտպանը:

Դատավոր Տաթեւիկ Գրիգորյանն ընդհատեց Հայրապետյանին ու հորդորեց անհարգալից վերաբերմունք չդրսեւորել դատարանի նկատմամբ: Դատարանը դատական սանկցիա կիրառեց պաշտպանի նկատմամբ նախազգուշացման տեսքով:

Տիգրան Հայրապետյանը շարունակեց ներկայացնել միջնորդությունը՝ նշելով, որ դատավորն առաջնորդվում է ինչ-որ մեկի թելադրանքով:

«Ինչպե՞ս է ստացվում, որ դատարանը նիստի օր ու ժամ է նշանակում, սակայն նիստից հետո որոշում է կայացնում փոխել ժամը եւ նշանակել ժամը 11:00-ին: Բոլորին է հայտնի, որ կալանավորված անձանց գործերով այդ ժամին նիստ չի նշանակվում, քանի որ այդ ժամին չեն հասցնում կալանավորներին ՔԿՀ-ներից տեղափոխել: Ձեր որոշումը նշանակում է, որ առնվազն կալանավայրի պետի հետ խորհրդակցել եք: Ես հիմնավոր կասկածներ ունեմ, որ Ձեզ ուղղորդում են»,- ասաց պաշտպանը:

Տաթեւիկ Գրիգորյանը կրկին ընդհատեց Հայրապետյանին՝ հորդորելով հարգալից վերաբերմունք դրսեւորել դատարանի հանդեպ:

«Ինձ մեղադրում եք արտադատական խաղի մեջ, կրկին զգուշացվում եք, ապակողմնորոշիչ հայտարարություն մի արեք»,- Տիգրան Հայրապետյանին դիմեց դատավորը:

Գրավոր միջնորդությունից շատ հատվածներ չներկայացնելով՝ Ժիրայր Սեֆիլյանի պաշտպանն անդրադաձավ նաեւ իրեն գործի վարույթից հեռացնելու դատավորի որոշմանը: Տիգրան Հայրապետյանը հայտարարեց, որ ինքը չի մասնակցել անընդմեջ 2 նիստի, մինչդեռ դատավորը հաշվարկել է 3 եւ հեռացրել իրեն վարույթից:

«Սա նշանակում է, որ դուք ի սկզբանե նման որոշում եք ունեցել, որ ամեն կերպ փաստաբաններին հեռացնեք վարույթից»,- ասաց պաշտպանը:

 Մյուս ամբաստանյալների պաշտպանները միացան միջնորդությանը:

«Միջնորդությունը հիմնավոր է եւ ամբողջությամբ փաստարկված»,- նշեց ամբաստանյալներից Ներսես Պողոսյանի պաշտպան Արայիկ Պապիկյանը:

Մեղադրողներից Պետրոս Պետրոսյանը, սակայն, առարկեց միջնորդությանը՝ նշելով, որ այն հիմնազուրկ է: Դատախազի գնահատմամբ, Տիգրան Հայրապետյանը սխալ փաստեր է ներկայացրել իր միջնորդության մեջ. «Պաշտպանն իր երկարաշունչ միջնորդության մեջ նշել է, թե 8 ամբաստանյալի բացակայությամբ… բայց 8 ամբաստանյալ երբեք չի եղել: Որեւէ հիմնավորում չներկայացվեց, որ դատավորն անաչառ չէ, հետեւաբար, ենթակա է այն մերժման»:

Դատարանը հեռացավ խորհրդակցական սենյակ որոշում կայացնելու:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Իմ անունից տարածվում են կեղծ տեղեկություններ. Լեւոն Քոչարյան
Այս ամենի նպատակը մարդկանց մոլորեցնելն է: Խնդրում եմ եղեք ուշադիր եւ հետեւեք իմ պաշտոնական էջերին...
«Հրապարակ». Ոսկեպարցիներն անհամբեր սպասում են
Երեկ փորձեցինք վարչապետի խոսնակից տեղեկանալ՝ նախատեսվո՞ւմ է արդյոք Տավուշ այց, ինչպեսեւ խոստացել...
«Ժողովուրդ». Կոռուպցիոն բացահայտում. Արցախից 467 մլն դոլար մսխվել է օվշորներում. Վարդան Սրմաքեշ, պաշտոնյաներ եւ այլոք
Այս հիմնադրամին ամեն տարի ՀՀ կառավարության որոշմամբ պարբերաբար փոխանցվել են միլիոնավոր դոլարներ...
«Հրապարակ». Իշխան Սաղաթելյանի հոր նկատմամբ դատախազությունը հարուցել է քրեական հետապնդում
Ակնհայտ է, որ ընտանիքիս անդամներին հետապնդելով՝ փորձում են ինձ վրա ճնշում բանեցնել, որը չի ստացվի, սա ո՛չ...
«Իրավունք». Նիկոլ Փաշինյանի նյարդերը տեղի են տվել
Հրահանգել է, որ պարտադիր հանդիպումներ ունենան արցախահայերի հետ ու համոզեն, որ սուս նստելու դեպքում...
«Հրապարակ». Դիանա Գալոյանը նոր պաշտոն կստանա՞
Խոսքը, մասնավորապես, «Ամբերդ» հետազոտական կենտրոնի մասին է, որի ղեկավարը ներկայում Դավիթ...
Ամենաշատ