Hi-Tech Mail.Ru-ի մասնագետները պարզել են, որ խաբեբաները, ներկայանալով ՎՏԲ-24 բանկի աշխատակիցներ, փորձում են քաղաքացիների բանկային քարտերին հասանելիություն ստանալ Viber մեսենջերի միջոցով, փոխանցում է Komersant-ը։

«VTB24»-ի հաճախորդներին հանցագործները Viber-ով հաղորդագրություն են ուղարկում, որ նրանց քարտով դրամային գործարք է կատարվել, ինչն իրականում չի եղել։ Իրավիճակը կարգավորելու համար խաբեբաներն առաջարկում են զանգել բանկի ֆինանսական անվտանգության ծառայությանը նշված համարով, որն իրականում հանցագործներին է պատկանում։ Հեռախոսազրույցի ընթացքում խնդրում են նշել CVV2 քարտի համարն ու գաղտնաբառը հաճախորդին նույնականացնելու համար, ինչը գաղտնի տեղեկություն է, որը չի կարելի բարձրաձայնել։ Նման մեխանիզմ էին օգտագործել նաև «Սբերբանկ»-ի աշխատակիցներ ներկայացած խաբեբաները։

Ավելի վաղ հայտնի էր դարձել, որ չարագործները կեղծ փաստաթղթեր են օգտագործում SIM քարտեր վերաթողարկելու համար՝ այդպես հասանելիություն ստանալով այն տեղեկությանը, որը բանկն ուղարկում է իր հաճախորդներին։