Սեուլի դատարանը վճռել է կես տարով երկարաձգել Հարավային Կորեայի նախկին նախագահ Պակ Կըն Հեին կալանքի տակ պահելու ժամկետը, հաղորդում է «Ռենհապ» գործակալությունը։
Դատարանում հայտնել են, որ մեղադրանքը ծանր է եւ հասարակության անհանգստությունը բարձր մակարդակի վրա է այդ գործի հանդեպ։ Անցած ամիս դատախազները դիմել են դատավորին կալանքի ժամկետը երկարաձգելու խնդրանքով, քանի որ նրանց ավելի շատ ժամանակ է պետք դատական գործընթացներն ավարտելու համար։
Հարավային Կորեայում կոռուպցիոն սկանդալը բռնլվել էր, երբ մամուլում տեղեկություն էր հայտնվել այն մասին, որ խոշոր կորպորացիաները, այդ թվում Samsung-ը, կառավարությունից աջակցություն են ստանում Սոն Սուն Սիլի ստեղծած ֆոնդեր խոշոր գումարներ փոխանցելու դիմաց։ Չզբաղվելով պետական կառավարմամբ՝ նա խառնվել է նախագահի վարչակազմի գործերին եւ շահույթ ստացել՝ օգտագործելով բարձրաստիճան կապերը։
Այս գործով ընդհանուր առմամբ 30 մարդու մեղադրանք է առաջադրվել, այդ թվում Samsung կորպորացիայի փաստացի ղեկավար Լի Չժե Յոնին։ Պակ Կըն Հեն երկրի ղեկավարի պաշտոնից հեռացվել էր մարտի 10-ին Սահմանադրական դատարանի կողմից։