Իրաքի զորքերը Քիրքուքի գրավման գործողություն են սկսել, հաղորդում է AFP-ն՝ վկայակոչելով իրաքցի գեներալին։
«Իրաքի զինված ուժերն առաջ են շարժվում, որպեսզի գրավեն այն դիրքերը, որ կորցրել էին 2014 թվականի հունիսի իրադարձությունների ժամանակ»,-հայտնել է նա։
Ընդ որում, քրդական Rudaw հեռուստաընկերությունը հաղորդում է, որ Իրաքի միացյալ հրամանատարությունը հերքել է Քիրքուքի հարավում գործողություն սկսելու լուրերը, նշելով, որ Հավիջ քաղաքի ազատագրման համար իրականացվող օպերացիայի շրջանակներում գործողություններ են իրականացվում տարածաշրջանը ԻՊ զինյալներից ազատագրելու ուղղությամբ։
Սակայն փեշմարգայի հրամանատարությունը հայտարարել է, որ անցած գիշեր Իրաքի զինյալները եւ ռազմական կազմավորումները Քիրքուքի հարավից սկսել են առաջ շարժվել հարձակման նպատակով։ Քիրքուք են ուղարկվել փեշմարգայի հազարավոր զինյալներ։