Microsoft–ի համահիմնադիր, աշխարհի ամենահարուստ մարդկանցից մեկը՝ Բիլ Գեյթսը, կարող է կորցնել իր կարգավիճակը բարեգործության պատճառով։ Այս մասին հայտնում է Bloomberg–ը։
Գործակալության գնահատականներով՝ Amazon–ի հիմնադիր Ջեֆ Բեզոսը մոտ ժամանակներս կարող է առաջ անցնել Բիլ Գեյթսից։
Սկզբունքորեն դրանից հնարավոր կլիներ խուսափել, եթե Գեյթսը բարեգործությամբ չզբաղվեր։ Այս պահին Գեյթսի կարողությունը գնահատվում է 87.5 մլրդ դոլար, իսկ Բեզոսինը՝ 85.8 մլրդ դոլար։ Բայց եթե Գեյթսը ժամանակին չնվիրաբերեր MIcrosoft–ի բաժնեմասերի մոտ 700 մլն–ը, եւ 2.9 մլն դոլարի բարեգործություն չաներ, նրա կարողությունը այս պահին կկազմեր 150 մլրդ դոլար։
Ընդ որում, համանման պատկեր է Ուորեն Բաֆֆետի մոտ, որը մոլորակի ամենահարուստ մարդկանց ցուցակում զբաղեցնում է 3-րդ տեղը։ Եթե նա Berkshire Hathaway Inc.–ի իր բաժնեմասերը բարեգործության չտար, նրա կարողությունը հավասար կլիներ 135 մլրդ դոլարի, եւ նա Գեյթսից հետո երկրորդ տեղում կլիներ։