Բավականաչափ ժամանակ է անցել, որպեսզի հայ հասարակությունը, մամուլը փորձագետները եւ քաղաքական գործիչները հասկանան՝ ՀԱՊԿ-ը զուտ 4 տառից բաղկացած կազմակերպություն է, որը գրանցված է թղթի վրա եւ ոչ ավելին։ Հոկտեմբերի 13-ին լրագրողների հետ հանդիպմանը ասել է «Ժառանգություն» կուսակցությունից ԱԺ նախկին պատգամավոր Թեւան Պողոսյանը։
Նրա կարծիքով ՀԱՊԿ յուրաքանչյուր անդամ պետություն հետեւում է բացառապես սեփական շահերին եւ նպատակադրված չէ պաշտպանել այդ կազմակերպության իր գործընկերներից որեւէ մեկին. «Ճիշտ է, հաճախ այդպիսի կազմակերպություններում վտանգ կա, որ մասնակիցները մի օր պետք է կանգնեն որոշում կայացնելու փաստի առաջ՝ ինչ անել հետո, երբ ՀԱՊԿ անդամ պետություններից մեկը դիմի օգնության խնդրանքով»,- ասել է Պողոսյանը։
