ՆԱՏՕ-ի գլխավոր քարտուղար Յենս Ստոլտենբերգը կոչ է արել Միացյալ Նահանգներին եւ Թուրքիային որքան հնարավոր է արագ վիզային ճգնաժամի համար լուծում գտնել՝ հիշեցնելով, որ Թուրքիան «առանցքային» դեր ունի Մերձավոր Արեւելքում դաշինքի ահաբեկչության դեմ պայքարում:
«Ես ուղղակի կոչ եմ անում Միացյալ Նահանգներին եւ Թուրքիային բանակցային սեղանի շուրջ նստել եւ որոշում գտնել, քանի որ դաշինքի համար կարեւոր է, որ մենք կարողանանք սերտորեն համագործակցել, մասնավորապես այդ տարածաշրջանում, քանի որ Թուրքիան առանցքային դեր ունի ահաբեկչության դեմ մեր պայքարում», -«Ֆրանս պրեսին» տված հարցազրույցում ասել է Ստոլտենբերգը:
Անկարայում ԱՄՆ դեսպանատունը ավելի վաղ հայտարարել էր, որ ԱՄՆ կառավարությունը խորապես մտահոգված Ստամբուլում ամերիկյան հյուպատոսարանի աշխատակցի՝ Մեթին Թոփուզի ձերբակալությամբ, եւ կարծում է, որ նրա դեմ մեղադրանքներն անհիմն են եւ քայքայում են Թուրքիայի հետ երկարատեւ գործընկերային հարաբերությունները:
Անցյալ կիրակի ԱՄՆ դեսպանատունը հայտարարեց Թուրքիայում ԱՄՆ դիվանագիտական ներկայացուցչություններում վիզաների տրամադրման կասեցման մասին: Թուրքիայի դեսպանատունը Միացյալ Նահանգների արձագանքեց նույն կերպ՝ դադարեցնելով ԱՄՆ քաղաքացիներին վիզաների տրամադրումը, գրում է «ՌԻԱ Նովոստին»: