Չեխիայի նախագահ Միլոշ Զեմանը հրաժարվել է ներողություն խնդրել իր այն հայտարարության համար, որ Ղրիմի միացումը Ռուսաստանին կատարված փաստ է:
Այս մասին Barrandov հեռուստաընկերությանը տված հարցազրույցում ասել է նախագահը:
Նրա խոսքով՝ Ուկրաինան կարող էր ներողություն պահանջել, եթե Պրահայի պաշտոնական դիրքորոշումը հեռարձակեր, բայց քանի որ նախագահն ընդամենը իր կարծիքն է հայտնել, ներողության մասին խոսք լինել չի կարող:
Նախագահը նշել է, որ նա մի քանի անգամ ասել է, որ Ղրիմի միացումը Ռուսասատանին անօրինական է:
«Բայց ինչն է կարեւոր: Ղրիմը պատկանում է Ռուսաստանին եւ ես չեմ կարող պատկերացնել, որ ռուսական կառավարությունը այն վերադարձնի», — ասել է նա: