ԱԷՄԳ փորձագետները կայցելեն Ճապոնիա եւ «Ֆուկուսիմա-1» ատոմակայանի ճառագայթման մակարդակը կստուգեն:
ՌԻԱ Նովոստին, վկայակոչելով Ճապոնիայի արտաքին գործերի նախարարությանը, հաղորդում է, որ այցը տեղի կունենա հոկտեմբերի 16-26-ը: Փորձագետները վթարային ատոմակայանի հարակից տարածքում ծովի ջրի եւ նստվածքների նմուշներ կհավաքեն, ինչպես նաեւ տեղի ջրերում ձկներին կստուգեն:
Վթարն այս կայանում տեղի էր ունեցել 2011 թ. մարտին 9.0 մագնիտուդ հզորությամբ երկրաշարժի եւ ցունամիի 15 մետր բարձրության ալիքների հետեւանքով: Վթարի հետեւանքների ամբողջական վերացումը ենթադրվում է մոտ 40 տարի կտեւի:
