Ադրբեջանում Եվրամիության պատվիրակության ղեկավար, դեսպան Կեստուտիս Յանկուսկասը իր վերաբերմունքն է արտահայտել Ադրբեջանի եւ ԵԽԽՎ միջեւ ստեղծված լարվածության վերաբերյալ:
«Այս կառույցի յուրաքանչյուր անդամ երկիր պետք է առաջ ընթանա երկխոսության եւ ինտենսիվ աշխատանքի միջոցով: Կարծում եմ մենք բոլորս պետք է ջանքեր գործադրենք մնալու համար այնպիսի կարեւոր կազմակերպությունում, ինչպիսին ԵԽԽՎ-ն է: Հուսով եմ, որ այս հարցի լուծման համար Բաքվի եւ Ստրասբուրգի միջեւ երկխոսությունը կշարունակվի»,-ասել է դեսպանը, հաղորդում է ԱՊԱ-ն:
