«Ռոսկոմնադզորը» «Վկոնակտե» սոցցանցից ու YouTube վիդեոպորտալից պահանջել է ջնջել այն էջերը, որոնք պարունակում են տեղեկություններ «զացեպինգի» ու «ռուֆինգի» մասին, հայտնում է «Ինտերֆաքսը»։
«Դատական վճիռների ու Ռոսկոմնադզորի պահանջների հիման վրա սոցցանցերը սահմանափակում են մուտքն այն էջեր, որոնց կոնտենտը կարող է երիտասարդներին դրդել էքստրեմալ արարքների, այդ թվում կյանքի համար վտանգավոր»,- պարզաբանել են գերատեսչության մամուլի ծառայությունից։
Նշում են, որ 187 նման էջ արդեն ջնջվել է, եւս 91 էջ գտնվում է ջնջման պրոցեսում։
«Զացեպինգ» եւ «Ռուֆինգ» ենթամշակույթները կարելի է դասել սուիցիդալ վարքագծի քողարկված տեսակին, քանի որ նման գործողությունները կարող են վնաս պատճառել անչափահասների կյանքին ու առողջությանը»,- համարում են Ռոսկոմնադզորում ։