Առնվազն չորս մարդ է զոհվել Կոտ դ’Իվուարում բեռնատար օդանավի վթարի հետեւանքով։
«Ռոյթեր» գործակալությունը հայտնում է, որ փրկարարներին հաջողվել է զոհվածներից երկուսի մարմինները հանել օդանավից, որի բեկորները ծովի ալիքները ափ էին դուրս հանել։ Նշում են, որ ականատեսները բեկորների մեջ նկատել են եւս երկու մարմին։
Ավելի վաղ հայտնել էին, որ օդանավը պատկանում էր ուկրաինական ընկերությանը, որը բեռ էր տեղափոխում Ֆրանսիայի բանակի համար։ Սակայն հետագայում օդանավի պատկանելիության մասին տեղեկությունը այդ հաղորդագրությունից հանվել էր։
Օդանավի օպերատոր ընկերության անվանումը դեռ հայտնի չէ։
