Կիեւում ձերբակալել են երկրից արտագաղթած 2 ադրբեջանցի ընդդիմադրի, հայտնում է haqqin.az-ը։ «Ազադլըգ» թերթի աշխատակից Ֆիքրեթ Հուսեյնլին, որը արտագաղթել էր Հոլանդիա, Կիեւում ձերբակալվել է։ Ձերբակալման պահին նրա հետ է հեղել Yeni Fikir-ի երիտթեւի նախկին ակտիվիստ Սաիդ Նուրին, որն ԱՄՆ քաղաքացի է։ Սակայն թե ինչով էին զբաղված Հուսեյնլին եւ որպես ԿՀՎ գործակալ հայտնի Նուրին, չի հաղորդվում։
«Վերջին օրերին Կիեւում մեզ հետեւում էին։ Բորիսպոլի օդանավակայանում սահմանապահ անցակետի ղեկավարը նրան ասել էր, որ իրենք քաղաքական սկանդալ չեն ցանկանում։ Ինձ ասացին, որ ես չպետք է Ուկրաինայում մնամ, իսկ Ֆիքրեթը կմնա օդանավակայանում, մինչեւ ստուգումներն ավարտվեն»,- գրել է Նուրին սոցցանցերում։
Նշենք, որ Ինտերպոլի ցուցակներում Ֆիքրեթ Հուսեյնլիի անունը չկա։ Այդ պատճառով նրա ձերբակալությունը Ինտերպոլի միջոցով անհնար է։ Հուսեյնլիի կողմնակիցները կարծում են, որ նրան ձերբակալել են Ադրբեջանի հայցի հիման վրա։