ՌԴ առաջին նախագահ Բորիս Ելցինի այրին՝ Նաինա Ելցինան, հուշեր է հրատարակել, հայտնում է «ՌԻԱ Նովոստի»-ն։
Ելցինան իր «Անձնական կյանք» գիրքը ներկայացրել է Ֆրանկֆուրտի գրքի տոնավաճառում։ Հուշերը վաճառվել են 10 հազար նմուշով։ Գիրքը ներառում է 1930-ականներից մինչեւ մեր օրերն ընկած ժամանակաշրջանի դեպքերը եւ պարունակում են նաեւ արխիվային նկարներ։
«Սա ժամանակաշրջանի կոնկրետ հատված է, որում պարփակված է մեր կյանքը՝ իմն ու Բորիս Նիկոլաեւիչինը։ Եվ ես մտածեցի, որ դա կարող է հետաքրքիր լինել մեր երիտասարդներին»,- ասել է նա։
Ելցինայի խոսքով՝ հուշերը սկսվում են թոռների եւ ծոռների համար պատմություններով, ամուսնու հետ հանդիպման եւ Խորհրդային Միության ու Ռուսաստանի պատմություններով։
