Եկեք այսօր չվիրավորենք մեկս մյուսին եւ ուրախանանք։ Այս մասին այսօր՝ հոկտեմբերի 14–ին, լրագրողների հետ զրույցում ասել է Երեւանի քաղաքապետ Տարոն Մարգարյանն՝ անդրադառնալով ավագանու նիստում ՀՀԿ–ական անդամ Լեւոն Իգիթյանի՝ «Երկիր Ծիրանի» խմբակցության անդամին ուղղված հայհոյանքին։
«Եկեք այսօր էրեբունի–Երեւանի տոնակատարությունն է, չվիրավորենք մեկս մեկին եւ ուրախանանք, հաջորդ օրերին կհանդիպենք կզրուցենք»,–ասաց ՏարոնՄարգարյանը։
Անդրադառնալով տոնակատարության համար ծախսված միջոցներին, նա նշեց, որ դա հայտնի կլինի միջոցառումների ավարտից հետո։
«Նախորդ տարվա համեմատ ավելի քիչ ծախսեր են, բայց ծախսերը վերջնական իմանալու համար պետք է տոնախմբությունը ավարտվի, տեսնենք՝ բարերարներն ու գործարարները ինչ մասնակցություն են ունենալու եւ կասենք՝ ինչ ծախսեր են իրականացրել, բայց վստահեցնում եմ, որ ավելի քիչ է ծախսվել»,–ասաց նա։
