Դեզոմորֆին տեսակի թմրամիջոցն ամենամատչելին ու միաժամանակ ամենակործանիչն է: Այն թմրամոլների շրջանում հայտնի է «կոկորդիլոս» անվամբ եւ հասարակությանը ծանոթ որպես բենզին: Այս թմրամիջոցն օգտագործողները ապրում են առավելագույնը մեկ տարի:
Վերջին անգամ դեզոմորֆին տեսակի թմիամիջոցի գերդոզավորումից մահվան դեպքի մասին ոստիկանությունը ներկայացրել էր այս տարվա փետրվարին: 30-ամյա Ալբերտ Գիրգորյանի կյանքը հիվանդանոցում փրկել չէր հաջողվել: Ոստիկանները հայտնաբերել էին թմրաորջը, որտեղից տանտիրոջ՝ Ժիրայր Սարիբեկյանին նույնպես տեղափոխել էին հիվանդանոց:
Մահվան եւս մեկ դեպք գրանցվել է օրերս. Հոկտեմբերի 4-ին ոստիկանության Կոտայքի բաժին հիվանդանոցից ահազանգ էր ստացվել, որ վեջույթի թրոմբոզ, սուր էկոգեն ինտոքսիկացիա ախտորոշմամբ բուժօգնության է տեղափոխվել 39-ամյա Ալբերտ Մուսայելյանը, որը մահացել է: Եղբայրը պատմել է, որ Ալբերտը ընդմիջումներով բենզին էր ներարկվում արդեն մեկ տարուց ավելի: Թմիամիջոցը պատճառ էր դարձել հեպատիտ Ց եւ լյարդի ցերոզ հիվանդությունների առաջացման:
