ՌԴ ՊՆ-ն դատապարտել է Սիրիայում ԱՄՆ գործողությունները՝ հայտարարելով, որ անգրագետ կազմակերպված գործողություններից բազմաթիվ զոհեր են եղել։
ԱՄՆ-ը ռմբակոծում է Սիրիայի Ռաքքա քաղաքի բնակելի թաղամասերը, ոչնչացնում է ջրի մատակարարման աղբյուրները։ Այս մասին հայտնել է ՌԴ ՊՆ պաշտոնական ներկայացուցիչ Իգոր Կոնաշենկովը, փոխանցում է ՏԱՍՍ-ը։
«ԱՄՆ-ի եւ կոալիցիայի իրականացրած ռմբակոծությունները բնակելի թաղամասերի եւ Ռաքքայում ջրամատակարարման աղբյուրների դեմ դեռեւս ոչինչ չեն տվել, «ազատագրված» բնակչության շրջանում զոհերից բացի։ Դա անգրագետ պլանավորված ռազմական գործողության օրինակ է»,- ասել է նա։
Կոնաշենկովը նշել է, որ նման գործողությունները կոնտրաստ են ստեղծում այսօր ԻՊ գրոհայիններից ազատագրված Մեյադին քաղաքի ուղղությամբ Սիրիայի կառավարական զորքերի հարձակողական գործողությունների հետ։
