Ղրղզստանի նախագահ Ալմազբեկ Աթամբաեւը նպատակ ունի խստորեն ճնշել երկրի իրավիճակն ապակայունացնելու բոլոր փորձերը։ Նա այս մասին հայտնել է ընտրատեղամասերից մեկում քվեարկելուց հետո, հաղորդում է ՏԱՍՍ-ը։
Աթամբաեւի խոսքով՝ կիրակի գիշերը Ղրղզստանի մայրաքաղաքում մարդկանց խումբ է ձերբակալվել, որը զբաղվում էր անկարգություններ կազմակերպելու համար զենքի որոնմամբ․ «Նստացրել ենք եւ նստացնելու ենք։ Մինչեւ դեկտեմբերի 1-ը ես բավարար ժամանակ ունեմ, որ նման դեմքերը տոնը չփչացնեն», ասել է երկրի նախագահը։
Նա նաեւ խոստովանել է, որ կառավարման ընթացքում նա որոշ բաներ չի հասցրել անել։ Մասնավորապես, բարձրացնել թոշակները եւ անցկացնել հողերի վերափոխում։ «Դրա համար ես ներղություն եմ խնդրում Ղրղզստանի ժողովրդից»,-եզրափակել է նա։