Ղրղզստանի նախագահ Ալմազբեկ Աթամբաեւը պատրաստ է Եվրասիական տնտեսական միության (ԵվրԱզԷս) արտահերթ նիստ հրավիրել ՝ Ղազախստանի սահմանին առաջացած իրավիճակի հետ կապված, հաղորդում է ՏԱՍՍ-ը։
«Եթե մեր ընտրություններից հետո երկու օրվա ընթացքում իրավիճակը սահմանին անփոփոխ մնա, ես ԵԱՏՄ արտահերթ նիստ կպահանջեմ, իսկ ես նման իրավունք ունեմ»,-կիրակի հայտնել է նա։
Աթամբաեւը կարծում է, որ ԵԱՏՄ շրջանակներում «բոլոր երկրները պետք է հավասար լինեն եւ միանման պայմաններում գտնվեն»։ «Այդ գործողությունները Ղազախստանի սահմանին առաջին անգամ չէ, որ տեղի են ունենում, դրանք ուղղված են ԵԱՏՄ կործանմանը»,-կարծում է Ղրղզստանի նախագահը։
Հոկտեմբերի 10-ին Ղազախստանն ուժեղացրել էր հսկողությունը Ղրղզստանի սահմանին, ինչի արդյունքում անցակետերում մեծ հերթեր են գոյացել։
