Վրաստանի նախկին նախագահ եւ Օդեսայի նախկին նահանգապետ Միխայիլ Սաակաշվիլին Խարկովում տեղի ունեցած հանրահավաքի ժամանակ վստահաբար հայտարարել է, որ Ուկրաինայի իշխանությունները փորձում են իրեն վերացնել: Ելույթի տեսանյութը հրապարակվել է Facebook-ի նրա էջում:
«Ես հաստատ գիտեմ, որ նրանք փորձում են ինձանից ազատվել: Նրանք կարող են թեւերս ոլորել, արտաքսել: Նույնիսկ սպանել, դա խնդիր չէ: Ես դրանից չեմ վախենում»,- ասել է նա:
Սաակաշվիլին իր կողմնակիցներին կոչ է արել հոկտեմբերի 17-ին մասնակցել Գերագույն ռադայի դիմաց անցկացվող ակցիային՝ հաջակցություն հակակոռուպցիոն բարեփոխումների: Ակտիվիստների պահանջների թվում են հակակոռուպցիոն դատարանի ստեղծումը, ընտրությունների մասին նոր օրենքի ընդունումը եւ պատգամավորական անձեռնմխելիության չեղարկումը:
Սաակաշվիլին Ուկրաինայի նախագահ Պորոշենկոյին մեղադրել է գողապետության մեջ՝ հայտարարելով, որ նա Ուկրաինայով զբաղվելու ժամանակ չունի ակտիվորեն բիզնեսը վարելու պատճառով:
