Հնդկաստանի Բանգալոր քաղաքում բնակելի շենքի փլուզումից զոհվել է առնվազն 6 մարդ, հայտնում է «ՌԻԱ Նովոստի»–ն՝ վկայակոչելով նահանգի ՆԳ նախարար Ռամալինգա Ռեդդիին։
Միջադեպը տեղի է ունեցել երկուշաբթի ժամը 06։30-ին Կարնատակայի նահանգի Իջիպուրայի շրջանում։
Ի սկզբանե հնդկական լրատվամիջոցները հայտնում էին, որ 3-հարկանի շենքը փլուզվել է գզի բալոնի պայթյունից։ Սակայն ՆԳ նախարարը նշել է, որ իր տեղեկությունների համաձայն՝ առաջին եւ երկրորդ հարկերի գազի բալոնները դատարկ են եղել, ուստի քիչ հավանական է, որ շենքը փլուզվել է պայթյունի հետեւանքով։