Պիրենեյան թերակղզում մոլեգնած խոշոր հրդեհներից զոհվել է 9 մարդ՝ 6-ը զոհվել է Պորտուգալիայում, 3-ը՝ Գալիսիայում, փոխանցում է «ՌԻԱ Նովոստի»–ն։
Անցյալ կիրակի Պորտուգալիայում անտառային հրդեհների 443 օջախ է բռնկվել, ինչը 2017-ի համար ռեկորդային է։ Դրանց մարման աշխատանքներին ներգրավվել է 7 հազար հրշեջ։ Այս պահին ակտիվ է մնում 108 օջախ։ Պորտուգալիայի քաղաքացիական պաշտպանության ծառայությունից հայտնում են, որ առնվազն 25 մարդ վիրավորվել է։
Ենթադրաբար Պորտուգալիան օգնություն կխնդրի Եվրամիությունից եւ Մարոկկոյից։
Տարհանվել են որոշ բնակավայրեր։ Իսպանիայի Գալիսիայում՝ Պորտուգալիայի հետ սահմանին, զոհվել է 3 մարդ։ 2 մարդ այրվել է Նիգրանի համայնքում, մեկ տղամարդ էլ զոհվել է Կարբալեդա դե Ավիա համայնքում՝ փորձելով մարել կրակը։