Վերջին 2-3 տարում Լեռնային Ղարաբաղի, Հայաստանի եւ Ադրբեջանի միջեւ փոխհարաբերությունները նոր քաղաքական իրադրությունում են հայտնվել։ Այս մասին լրագրողներին ասել է քաղաքագետ Ալեքսանդր Մանասյանը։
Նրա խոսքով՝ Եվրոպայում վերջապես հասկացել են, թե ում հետ իրականում գործ ունեն։
«Ադրբեջանական լվացքատան» հետ կապված վերջին բացահայտումները, մարդու իրավունքների մշտական ոտնահարումները, եվրոպացիներին հասկացնել են տվել, որ չի կարելի Ադրբեջանին Եվրոպայի խորհրդում հանդուրժել հին ձեւաչափով»,– ասաց Մանասյանը՝ հավելելով, որ Բաքվի նկատմամբ դաստիարակչական միջոցներ են ընդունվել, սակայն Եվրոպայի խորհրդից Ադրբեջանին վտարել ոչ ոք չի պատրաստվում։
Փորձագետի կարծիքով Եվրոպան կփորձի փոխել Ադրբեջանին, սակայն դա կանի դանդաղ, քայլ առ քայլ, ինչպես Թուրքիայի հետ։
«Շուտով Հայաստանի Եվրոպայի միջեւ նոր համաձայանգիր կստորագրվի, ինչը վկայում է այն մասին, որ Բրյուսելում Երեւանի հանդեպ համակրանք կա։ Եվրոպայում կարծում են, որ Հայաստանը եվրոպական մշակույթի մի մասն է»,– ասել է փորձագետը՝ նշելով, որ նման մեսիջներ Երեւանը ստանում է նաեւ Վաշինգթոնից։