Եգիպտոսում Սինայի թերակղզու հյուսիսում՝ էլ Արիշե քաղաքի Մար Գիրգիս եկեղեցու շրջանում հարձակվողների եւ ոստիկանների միջեւ տեղի ունեցած փոխհրաձգության հետեւանքով զոհվել է 3 մարդ, վիրավորվել մի քանիսը, հայտնում է «ՌԻԱ Նովոստի»-ն՝ վկայակոչելով եգիպտական «Վաթան» պարբերականի Twitter-ի էջը:
Ավելի վաղ «Սաբիլ» պորտալը հայտնել էր, որ երկուշաբթի առավոտյան անհայտ անձինք գնդակոծել են էլ Արիշե քաղաքի եկեղեցու մոտ ոստիկանության պահակակետը, հարձակվողների եւ ոստիկանների միջեւ փոխհրաձգություն է սկսվել, որի հետեւանքով կարող են վիրավորներ լինել: Ոստիկանությունը հանցագործների հետապնդում է կազմակերպել: