Եվրամիությունը Մյանմարի հետ ռազմական համագործակցությունը կվերանայի Ռաքհայն նահանգում իրադարձությունների ֆոնին եւ նոր միջոցառումներով կսպառնա, եթե իրավիճակը չբարելավվի, նշված է Մյանմարի վերաբերյալ ամփոփիչ փաստաթղթում, որն ընդունվել է ԵՄ անդամ երկրների ԱԳ նախարարների նիստի ժամանակ, փոխանցում է «ՌԻԱ Նովոստի»-ն:
«ԵՄ-ն բոլոր կողմերին կոչ է անում անհապաղ դադարեցնել բռնության բոլոր ձեւերը: Նա Մյանմարի (Բիրմայի) զինվորականներին կոչ է անում դադարեցնել բոլոր գործողությունները եւ առանց խտրականության բոլոր քաղաքացիական անձանց պաշտպանություն ապահովել, ամբողջոթյամբ հետեւել մարդու իրավունքների ոլորտում միջազգային օրենսդրությանը»,- նշված է փաստաթղթում:
ԵՄ երկրների ԱԳ նախարարները հայտարարել են, որ «ուժի անհամաչափ օգտագործման լույսի ներքո ԵՄ-ն եւ անդամ երկրները կկասեցնեն Մյանմարի ԶՈւ գլխավոր հրամանատարի եւ բարձրաստիճան մյուս զինծառայողների հրավերքները ու կվերանայեն գործնական ամբողջ ռազմական համագործակցությունը»:
