Ղարաբաղյան հակամարտության կարգավորման հետ կապված՝ պետք չէ որեւէ լուրջ փոփոխություններ սպասել Ալիեւ–Սարգսյան հանդիպումից։ Այս մասին հոկտեմբերի 16-ին լրագրողներին ասել է քաղաքագետ Ալեքսանդր Մանասյանը։
Միաժամանակ, նրա խոսքով, Հայաստանի համար ձեւավորվել է բավականին բարենպաստ միջազգային իրավիճակ։
«Ահա այդ հողի վրա էլ կկայանա Հայաստանի եւ Ադրբեջանի նախագահների հանդիպումը։ Ես կարծում եմ, որ դա զգում է նաեւ Իլհամ Ալիեւը»,– պարզաբանեց Մանասյանը՝ հավելելով, որ ՀՀ նախագահ Սերժ Սարգսյանը դա նույնպես հիանալի հասկանում է։
Միաժամանակ քաղաքագետ կարծում է, որ կողմերը կմնան իրենց դիրքորոշմանը։