«Շեն Տեքստիլի» 10-ամյակին բացվել է «Շեն կահույք ինտերիեր» սրահը` ընդլայնված տեսականիով: Երեւանի Սեբաստիայի փողոցում գտնվող սրահում ցուցադրված են ոչ միայն գորգեր, վարագույրներ ու անկողնային պարագաներ, այլ նաեւ կահույք (ֆոտոռեպորտաժ):
Ընդ որում, կահույքն արտադրվում է Հայաստանում` տեղական եւ արտասահմանյան բարձրորակ նյութերից, նշել է «Շեն Տեքստիլի» գործադիր տնօրեն Սյոմա Խալաթյանը:
Տեսականու ձեւավորմանը օգնել են Իտալիայից հատուկ ժամանած դիզայներները: Նրանք էլ նորովի ձեւավորել են սրահը` գնումները դարձնելով ոչ միայն հարմարավետ, այլ նաեւ հաճելի:
«Ցանկացած մոդել, ինչպիսին որ հաճախորդը կգերադասի, պատրաստ ենք իրագործել իր նախընտրած դիզայնով: Հայաստանում մեր արտադրածը չի զիջում միջազգային բրենդներին, ավելին` դրանցից մատչելի կլինի», - նշեց Խալաթյանը:
Ներկայացված է նաեւ բելգիական Ragolle ընկերության արտադրանքը, որը գորգերի առաջատար արտադրողներից է Եվրոպայում:
Նորույթներից մեկը ինքնաջրվող ծաղկամաններն են, որոնք հարմար կլինեն հաճախակի տեղափոխվող ընտանիքների համար:
«Ինչ վերաբերում է գնումների պայմաններին, ապա ցանկացած հաճախորդին կառաջարկենք հարմար լուծում: Լինի ապառիկ թե զեղչ, բոլորը գոհ ու շնորհակալ դուրս կգան: Այդպես էր նախկինում, այդպես կլինի եւ հիմա», - ընդգծեց նա: